Аляксандр Лукашэнка павіншаваў удзельнікаў урачыстасцяў з нагоды 125-годдзя з дня нараджэння Максіма Багдановіча. Пра гэта паведамілі ў прэс-службе беларускага лідара.
president.gov.by
У віншаванні гаворыцца, што вытанчаныя, непераўзыйдзеныя вершы сусветна вядомага паэта, якія адрозніваюцца майстэрствам выкарыстаннем вобразна-выразных сродкаў, пранікненнем у духоўны свет чалавека і высокай культурай слова, па праву прызнаны адной з вышынь еўрапейскай паэзіі ХХ стагоддзя.
«Сваёй дзейнасцю пясняр заклаў падмурак беларускай нацыянальнай эстэтыкі, унёс вялікі ўклад у фарміраванне літаратурнай мовы і станаўленне патрыятычнай свядомасці народа. Таму сёння мы, грамадзяне суверэннай дзяржавы, павінны шанаваць і берагчы тое, дзеля чаго працаваў наш знакаміты зямляк, — гістарычную памяць, роднае слова, моцную краіну», — падкрэсліў кіраўнік дзяржавы.
Аляксандр Лукашэнка выказаў упэўненасць, што ўрачыстасці з нагоды 125-годдзя Максіма Багдановіча будуць садзейнічаць умацаванню адзінства грамадства і праслаўленню творчых талентаў нашага народа.